أنواع العدوى المهبلية وأعراض كل نوع وكيفية علاجه

أنواع العدوى المهبلية وأعراض كل نوع وكيفية علاجه

طبيعه المهبل حامضيه يعني من 4.2 الي 3.8
ولكن كيف يحافظ المهبل على حامضيته ؟
يحتوى المهبل على بكتيريا تسمى لاكتوباصيلاص Lactobacillus


وهذه البكتيريا تتغدي علي الجليكوجين وده طبعا كربوهيدرات وهو يفرز من بطانه الرحم والبكتريا دي تاكل وتطلع حمض وهو ده اللي بيخلي الميديا حامضيه نفس اللي بيحصل في الاسنان وبيخليها تسوس بس مش موضوعنا دلوقتي

المهم الحامضيه دي بقي بتدمر اي بكتريا غريبه تدخل
ولكن لايحتوى المهبل على هذه البكتيريا وحدها ولكن توجد أنواع ضارة أخرى ولكنها غير ظاهرة بس البكتريا بتاعتنا دي مسيطره علي الوضع

لكن للاسف في حاجات بتدمر البكتريا المفيده دي وتخلي الضار يكبر ويشعشع ويسببلك العدوي المهبليه


ما أسباب حدوث العدوى المهبلية؟
- تناول المضادات الحيوية عمال علي بطال

- زيارة مستويات الاستروجين: مثلما يحدث مع الحمل، وتناول حبوب منع الحمل، والعلاج بهرمون الاستروجين

- الست اللي عندها سكر لأن الخلايا أصلا مش بتستفيد بالجلوكوز ومن الخلايا دي الرحم اللي هو بيغذي البكتريا النافعه وكمان لان المناعه تعبانه

-وطبعا مريضة الايدز والناس اللي بتاخد كورتيزون لان دول مناعتهم في الضياع
-وكمان النظافه الشخصيه واستخدام الدش المهبلي الذي من شانه تغيير حامضيه المهبل مما يزيد من فرص العدوي المهبليه

طيب كده تمام

نخش بقي علي أنواع العدوي المهبلية:

أولا : Candida albicans

وده فطر زي ما احنا عارفين وده بيعيش في المهبل اصلا بس زي ما قلتلك ان الكبير اللي متحكم في الليله ومفيش اي حشره فيهم تعرف تنطق هو اللاكتوباسيلس lactobacillus

 الأعراض :
اما الأعراض فهو يحتل المرتبة الأولي في الحكه يعني أكتر واحد شدة في الحكة اللي بيسببها عن باقي أصحابه اللي جايين

وكمان افرازات زي الجبن كده بيضا يعني بس متكتله يعني ارجع واقول زي الجبن
ودي خلي بالك من اسم الفطر يعني اصلا هو اسمه المبيض

اما الرائحه فمفيش وركز في دي عشان هتميزه عن الانواع التاني

العلاج

Butoconazole>>>>>>>>>Gynazole
terconazole>>>>>>>>>Terazol
miconazole>>>>>>>>>Monistat
clotrimazole>>>>>>>>Lotrimin

ككريم او لبوس مهبلي للناس المتزوجين ويكفي العلاج لمده 4 ايام لكن احيانا بيكون في انواع مع الكانديدا موجوده فبنستمر لمده 7 ايام احتياطا

اما بقي لو العدوي بتتكرر كتير .........انا حابب انك تعرف ان في نساء بتجيلهم العدوي مره في العمر .......قارن ده بقي بواحده تجيلها العدوي 4 مرات في السنه
دي بتاخد فلوكونازول بالفم كبسولة كل أسبوع لمدة اسبوعين او تلاتة مع طبعا الكريمات الموضعيه السابقه لمده 14 يوم
Fluconazole>>>>>>>>Diflucan

ثانيا : العدوي البكتريا ويصاب بها حوالى 64% من النساء
واشهر بكتريا بتسبب العدوي

Mobiluncus sp.
Gardnerella vaginalis

وهذا أحد أسباب الولاده المبكرة وعشان كدة لازم يتعالج وهالجه اكيد بمضاد حيوي
 
الاعراض:
 بقه اشهرها افرازات لها رائحه السمك وبتظهر اوي بعد الجماع مع حكه طبعا بس مش شديده زي الاولي
ولو شاكك ممكن تاخد عينه من الافرازات وتحط عليها بوتاسيوم هيدروكسيد الريحه هتظهر اوي
العلاج:
العدوى البكتيرية تعالج أكيد بمضاد حيوي
أشهر مضادات حيويه هى:
ميترونيدازول ,كلينداميسين
لان البكتريا دي لا هوائيه

وجرعه الميترونيدازول 500 مللجرام مرتين يوميا لمده 7 ايام

والزوج برده بيتعالج علي فكره

ثالثا : Trichomonas viginalis


وهى من البروتزوا Protozoa 

ودي اعراضها حكه وافرازات لونها اخضر رمادي وريحه كريهه بس مش سمك
والعلاج برده ميترندازول وبرده الزوج بيتعالج
وعلي فكره ممكن نستخدم دوش حمض اللاكتيك

هناك 5 تعليقات:

  1. بارك الله فيكم على هذه المعلومات المفيده

    ردحذف
  2. بارك الله فيكم على هذه المعلومات القيمه

    ردحذف
  3. شكرا يا باشا بس انت مختصر اوي نرجوا منك المزييييييييد

    ردحذف
    الردود
    1. الإختصار عشان بس ميكونش فيه ملل
      شرفت ونورت

      حذف

أخبرنا ما هو رأيك فى هذا الموضوع؟؟