الفرق بين حقنة امرى ك وحقنة كوناكيون Amri-K and Konakion

عندنا في الصيدلية نوعين من حقن فيتامين ك1
الاتنين بيحتووا على فيتوميناديون phytomenadione بتركيز 10مجم لكل 1 مل يعني نفس التركيز.. لكن فيه فرق مهم:
نوع بيتاخد عضل فقط زي : ===============
amri k amp من انتاج شركة العامرية
phytomenadione amp من انتاج شركة ممفيس



ونوع بيتاخد عضل أو وريد أو تحت الجلد زي: =======================
konakion amp : من انتاج شركة روش
haemokion amp من انتاج شركة أمون









لازم ناخد بالنا كويس جدا من طريقة استخدام كل واحد عضل ولا وريد

لأن الطبيب ساعات يكتب حقن فيتامين ك وخلاص على كده وميحددش نوع أو اسم
وبالتالي لازم نشوف هوة هيستخدم عضل ولا وريد علشان نختار النوع المناسب
كمان ممكن يتكتبلنا كوناكيون مثلا في الوريد او في المحلول ويكون ناقص أو خلصان نقوم مناخدش بالنا ونطلع أمري ك مكانه ..وده بالتاكيد هتبقى خطأ كبير

طب يا ترى اشمعنى دول عضل ودول وريد؟

 ---------------------------------------------
ده بيعود لطريقة تحضير الدواء و الexcepients في كل نوع

العضل فقط بيحتووا على excepients لا تصلح للحقن الوريدي

أما الوريد فيحتوي على excepients تجوز في حالة العضل أو تحت الجلد وكمان ممكن تتشرب

كمان (تحضير الفيتامين ك الوريدي بيبقى معمول بتقنية اسمها Mixed micelle بتسمح باعطاءه وريديا أو بتناوله عن طريق الفم علشان كده هنلاقي على أي حقن فيتامين ك وريدي مكتوب MM انما العضل لا)



إعرف أيضا
الفرق بين دور فيتامين ك والدايسينون والكابرون لإيقاف النزيف

لقراءة جميع مواضيع الفرق بين فضلا إضغط هنا

هناك تعليق واحد:

  1. الدكتور قال عليها وقال عضل بقرأ النشرة لاقيت مكتوب وريد او فم ؟
    في خطر لو اتاخدت عضل؟
    Konakion

    ردحذف

أخبرنا ما هو رأيك فى هذا الموضوع؟؟