إستخدامات يوناسين حقن وحساب الجرعة للرضع والأطفال Unasyn Vial

اليوناسين Ampicilin + sulbactam

ومثائله مثل :Unictam - Sulbin

من الحقن الشهيرة جدا والتي تستخدم للرضع والأطفال في اصابات الجهاز التنفسي العلوي والسفلي



عندنا ابرز تركيزين للأطفال

375 : ويحتوي على 250 امبيسيللين و125 سلباكتام وهو يعادل ال250 مجم فقط من الامبيسيللين

ولكن كما نعلم ان السلباكتام يضاف اليه لمقاومة المناعة البكتيرية

والتركيز الآخر هو 750 : ويحتوي على 500 مجم أمبيسيللين و 250 سلباكتام وبنفس الطريقة هو يعادل امبيسيللين 500 مجم

ويبقى السؤال:

ساعات بنلاقي طفل مكملش السنة يعني 11 شهر مثلا ومكتوبله يونيكتام 750 عضل كل 12 ساعة..!!!

طبعا الامهات أو الابهات اول ما بيشوفوا ال750 بيترعبوا ويقولك ده كتير عليه قوي ...هل يا ترى هيكون عندك اجابة علمية للامر؟

لو مش موجودة تعالى معايا نعرف معلومة النهاردة

1- ممكن نعرف ان فيه قاعدة ظريفة ممكن نستخدمها أو يستخدمها الأطباء في حساب وزن الطفل بالتقريب طبقا لعمره ودون ميزان وهي :

معدل الوزن بين الشهرين (3-12 ) = (عمر الطفل بالشهور)+9 ÷2

'هذا يحسب المعدل اما وزن الطفل المتوقع الصحيح يعتمد على وزن الطفل عند الولاده و بناء عليه ممكن حساب الوزن المفروض لنعلم اذا كان الوزن أقل من الطبيعي او حتى لنحسب الجرعة الدوائية

2- كمان نعرف ان جرعة اليوناسين فيال للرضع من 150-300مجم/كجم/يوم

مما سبق لو طفل عمره 11 شهر يبقى من المتوقع وزنه:

11+9=20 /2=10 كجم تقريبا

اذن الجرعة اليومية لليوناسين يمكن ان تكون بالتقريب 150 ×10 = 1500 مجم / يوم

وبالمنطق يجب تقسيمها على مرتين تقريبا(كل 12 ساعة ) ان لم نحتاج لأكثر من ذلك (كل 6-8 ساعات) ...يعني كل مرة 750 مجم

اذن أقل جرعة لطفل عمره 10 شهور المفروض تكون يوناسين 750 مجم كل 12 ساعة

وبالتالي لا تتعجب حينما تشاهد هذا التركيز مكتوب لمثل هذا الطفل..!!

(معلومة اضافية: في حالة استخدام اليوناسين أو مثائله بالحقن العضلي ..يمكن استبدال ماء الاذابة بالليدوكايين بتركيز نصف% لتخفيف الألم الناتج عن الحقن)

ركز معايا:انا قلت نصف% ..لكن معظم الليدوكايين عندنا في الصيدلية بيبقى 1% وبالتالي مينفعش اننا ندوب حقنة اليوناسين في بنج بالكامل
انما هنشوف المفروض بيحتاج مذيب قد ايه ..ونخلي نصف كمية المذيب من الماء المعقم والنصف التاني من البنج
وبكده نكون حولنا الليدوكايين 1% الى نصف %

0 التعليقات:

أخبرنا ما هو رأيك فى هذا الموضوع؟؟