ما هو مرض حمو النيل؟
يسمى miliaria وأيضا sweat rash وأيضا prickly heat
شائع في الصيف
عبارة عن هرش مع /أو احساس بالدبابيس وابر بتشك (وخز) في الجسم
طب ايه سببه؟!!
السبب هو انسداد الغدد العرقية الموجودة في الجلد ...اما بالجلد الميت اللي بيتغير أو بسبب بكتيريا من الnormal flora اللي على سطح جلدنا اسمها staphylococcus epidermis
طب نعالجها ازاي:
1- نتجنب الانشطة اللي بتزود العرق خصوصا التعرض للشمس
2- نتجنب الجو الحار خصوصا اذا كانت الرطوبة عالية
3- نلجأ لحمامات بالماء البارد (وليس الساقع) عدد من المرات في اليوم
طب ايه الأدوية اللي بتستخدم في علاجه؟!!
لوشن مائي يحتوي على مواد مرطبة للجسم
في حالات الشكوى الشديدة ممكن نستخدم مراهم كورتيزون خفيفة أو متوسطة القوة
بعض الأحيان قد نحتاج مضادات حيوية اذا ما لاحظنا تواجد عدوى بكتيرية ثانوية
طبعا هوة شائع في الرضع والأطفال أكتر من الكبار نتيجة لعدم اكتمال نمو الغدد العرقية وقنواتها اللي بيجعل انسدادها أسهل منه عند الكبار..!!
وأخيرا خد بالك : انسداد الغدد العرقية في الجلد بيعمل حمو النيل
وانسداد بصيلات الشعر بافرازات الغدد الدهنية في الجلد بيعمل حب الشباب..!!
تعليقات
إرسال تعليق
أخبرنا ما هو رأيك فى هذا الموضوع؟؟