القائمة الرئيسية

الصفحات

معلومات هامة عن بكتيريا MRSA وطرق علاجها

في الأيام اللي فاتت ترددت اشاعات عن أن حالات الوفيات اللي حصلت بسبب ضربات الشمس والاجهاد الحراري انما قد توفت في الحقيقة نتيجة لاصابتها بفيروس المرسا الخطير....ورغم أن هذا الكلام مجرد اشاعات الا أنه ميصحش انك كصيدلي محترم متكونش عارف يعني ايه مارسا...!! 


خلينا نقول هنا يعني ايه مرسا علشان لو حد سألك تكون عارف وفاهم..!!
بص يا سيدي
اولا الMRSA دي نوع من أنواع البكتيريا وليس فيروس كما يقال...
طب هوة عبارة عن ايه؟
دعونا نبدأ الحكاية من الأول
1- البكتيريا عموما بتتقسم لGM +ve و GM -ve
2- الGm+ve بتتقسم الى Cocci و rods يعني كروية وعصوية (قضبان)
3- الcocci بتحتوي على مجموعة مهمة جدا من البكتيريا اسمها الstaphylococcus بتنقسم الى عدة أنواع.... منها نوع مهم جدا اسمه staphylococcus aureus ودي بتسبب عدد من الأمراض من أكثرها شيوعا الحبوب أو الدمامل اللي بتظهر على سطح الجلد ..وبتختصر باسم S.aureus

4- الS.aureus مقاومة بالكامل للبنسيلين المائي العادي لأنها بتكون lactamase بيكسر حلقة البيتا لاكتام
وأول مضاد حيوي تم تخليقه ليصلح مع الS.aureus كان اسمه Methicillin لأنه Beta lactamase resistant
وسميت البكتيريا من هذا النوع واللي حساسة للmethicillin ب MSSA يعني: methicillin susceptible Staphylococcus aureus
وبمرور الوقت ..البكتيريا دي برضو اكتسبت مناعة ضد الmethicillin وأصبح لا يجدي معها ..وتحول اسمها الى MRSA يعني :
Methicillin resistant Staphylococcus aureus
ودي اللي بنطلق عليها المرسا MRSA
5- فيه نوعين من الMRSA
نوع ممكن الناس تعدي بعضها بيه وبنسميه Community acquired ونوع لا يتم انتقاله للمصاب الا في المستشفيات وبنسميه Hospital acquired
والأول ده سهل في علاجه نسبيا وبيستجيب للمضادات الحيوية المتوافرة في الصيدلية زي السيبرو فلوكساسين والكلينداميسين والاريثروميسين
أما النوع الثاني hospital acquired MRSA فده بيبقى مقاوم جدا resistant لأغلب المضادات الحيوية ..وأول حاجة نفعت معاه كان مضاد حيوي اسمه Vancomycin لكن حتى المضاد ده أصبح يقاوم وأصبح بيفشل...فتم استخدام مضاد حيوي بعده اسمه linezolid وده موجود عندنا في الصيدلية بنفس الاسم أو باسم Averozolid ورغم كده برضو ممكن يفشل في علاج الHospital acquired MRSA وبيلجأوا لمحاولات علاجية أخرى
أتمنى تكون المعلومة مفيدة وعرفنا يعني ايه MRSA وسبب صعوبة علاجها وخطورة الاصابة بيها..!!

تعليقات