النهاردة إن شاء الله هنتكلم عن زيت مميز جدا من شركة نيفيا الزيت ده اسمه نيفيا كيو10 مالتى بور 7 فى 1 وده اسمه الكامل بالإنجليزى Nivea Q10 Multipower 7 in 1 Firming + Even Body oil
وزي ما إحنا متعودين هنعرف كل فوايد الزيت ده وتركيبته التفصيلية
تركيبة زيت نيفيا كيو10 مالتى باور 7 فى 1
تعالو نروح مباشرة على الموقع الرسمي لشركة نيفيا، ونشوف التركيبه التفصيلية لزيت النهاردة أول مادة فعالة هتقابلنا في تركيبة الزيت هي مادة اسمها يوبيكوينون Ubiquinone ومادة يوبيكوينون دى هي إللي بنسميها كوإنزيم كيو 10 Co-enzyme Q10 أو إختصارا كو كيو10 وهى مادة مشهورة جدا وبنسمع عنها كتير جدا وهي كمان ليها مستحضرات كتير في شركة نيفيا مذكور تحت اسم كيو 10
طيب ايه هو الكوكيو 10 ده
الكوكيو 10 ده عبارة عن مادة طبيعية بتتخلق بشكل طبيعي داخل الجسم وموجودة داخل كل خلية وبالتحديد جوا حاجة بنسميها الميتوكوندريا Mitochondria أكيد كلكم سمعتو عن الميتوكوندريا في يوم من الأيام في دراستكم للأحياء سواء في إعدادي أو في ثانوى وبعد كده وكلنا نسمع عنها ونعرف إن هي تعتبر مصنع الطاقة داخل الخلية
الكوكيو 10 ده بقى يعتبر كده حاجة زي وقود أو هو حاجة زي البنزين بالنسبة للميتوكندريا وبيخلي الخلايا تقدر على إنتاج الطاقة والطاقة دي طبعا مهمة جدا لجميع الوظائف الحيوية إللي بتكون داخل الخلية وبالإضافة لكده فالكوكيو 10 كمان بيشتغل كمضاد قوي للأكسدة، عشان عنده القدرة على إنه يحارب ويكافح النظائر الحرة أو إللي إحنا بنسميها ال free radicals إللي هي طبعا، من أهم مسببات تلف الخلايا.
بالنسبة للجلد الكوإنزيم كيو 10 بقى مهم جدا جدا عشان موضوع إنه هو مصدر للطاقة، فطبعا هيكون مفيد جدا عشان يحفز الخلايا بتاعت جلدنا إن هي تشتغل في أفضل حالاتها وتؤدي وظيفتها ووظائفها المختلفة بأفضل ما يمكن اللي من ضمنها طبعا ومن أهمها تخليق وتكوين ألياف الكولاجين
عشان خلية الجلد أصلا تقدر تكون ألياف الكولاجين وإيلاستين بشكل كويس وبكفاءة لازم يكون فيها طاقة ولازم يكون مصانع الميتوكوندريا دي شغالة فيها بكفاءة فلو الكوإنزيم كيو 10 مش موجود بشكل كويس داخل الميتوكوندريا، معنى كده إنه مش هيبقى في طاقة، معنى كده إن مش هيبقى في قدرة عالية على تكوين وتخليق ألياف الكولاجين والإيلاستين
فا دي أول حاجة لما يكون عندي بشكل كويس داخل خلايا الجلد، يبقى أنا خلايا الجلد دي هتقدر تكون كل المكونات الطبيعية بتاعتها إللي من ضمنها الكولاجين والإيلاستين بشكل جيد عشان كده المادة دى مميزة جدا وعشان كده زي ما قلنا موجود منها مستحضرات كتير في شركة نيفيا للعناية بالبشرة ومن ضمنها زيت النهاردة والحقيقة هي موجودة في التركيبة بتركيز متقدم وتركيز يعتبر جيد جدا عندنا كمان بالإضافة للكو كيو 10 عندنا ثلاث زيوت هما:
- زيت الافوكادو Persea Gratissima Oil
- زيت بذور القطن Gossypium Herbaceum Seed Oil
- زيت بذور المكاديميا Macadamia Integrifolia Seed Oil
الثلاث زيوت دول من الزيوت المميزة جدا جدا إللي بيميزهم إن هما بيحتووا على تركيزات عالية وأغنية بحاجات بنسميها الFatty Acids أو الأحماض الدهنية، الأحماض الدهنية دي ليها دورين مهمين جدا، أول دور هو الترطيب فالزيوت دي عندها قدرة عالية على الترطيب و معالجة الجفاف وتاني دور الترميم والإصلاح لأنهم أغنية زى ما قولنا بالأحماض الدهنية بالإضافة لكده كمان الثلاث زيوت دول أغنياء جدا بمضادات الاكسدة أغنية بفيتامين إيه Vitamin Aوفيتامين إي Vitamin E ، وأغنية كمان بالمواد الملطفة والمضادة للالتهاب، فالحقيقة تلاتة من أفضل أنواع الزيوت إللي ممكن تبقى مفيدة للجلد.
فوائد وإستخدامات زيت نيفيا كيو10 مالتى باور 7 فى 1
أول فايده تحفيز وتكوين الكولاجين والإيلاستين هيساعد على مرونة و شد الجلد فالزيت ده هيكون مفيد جدا عشان يشد الجلد ويشد الترهلات إللي ممكن تبقى موجودة في الجلد في أي مكان فلو إنت بتعاني من مناطق معينة في جسمك فيها ترهل إستخدمي الزيت ده عليها بشكل يومي هيفيدك جدا جدا منطقة مثلا زي الصدر منطقة زي الأرداف زي الأفخاذ.
المناطق دي لو فيها ترهل والترهل ده عملك إزعاج ف استخدامك للزيت بشكل منتظم هيفيدك جدا
طبعا هيفيد أكيد في الترطيب لو إنت محتاجة ترطيب جيد لجلدك لو جلدك فيه جفاف ومحتاجة ترطيب كويس أو حتى كزيت يومي تستخدميه عشان يحافظ على نعومة ورطوبة جسمك الزيت ده هيكون ممتاز جدا،
كمان الزيت ده هيقدر يشتغل بشكل فعال على مشكلة ال Stretch Marks أو مشكلة علامات تمدد الجلد خاصة لو كانت لسة في المرحلة الأولى لو كانت لسة في اللون الأحمر أو اللون البنفسجي قبل ما تتحول للون الأبيض إذا استخدمنا الزيت ده على الخطوط إللي هي بتاعت علامات تمدد الجلد فعلا هيقدر إن هو يحسن منها جدا لو هي لسة في بدايتها و هيقدر إن هو يتخلص منها ويرجع الجلد لطبيعته لكن طبعا الخطوط دي لو اتحولت للون الأبيض للأسف مفيش حاجة تقدر إن هي تعالجها بشكل نهائي ولكن برضه استخدامك للزيت ده هيحسن من شكلها شوية وهيخلي شكلها أفضل وأحسن ومتناسقة مع لون جلدك بشكل أفضل، وطبعا الزيت برضه هيكون حلو جدا ك زيت مساج. الناس إللي بتحب المساج والناس إللي بتحب تعمل كده لنفسها يعني جلسات استرخاء كده ومساج فالزيت ده هيكون طبعا زيت مساج مثالى ومميز جدا، ترطيب وتنعيم للجلد وحماية للجلد وحفاظ على نضارة الجلد وتحفيز الكولاجين والإيلاستين كل دي حاجات حلوة جدا لجلد الجسم وبالتالي هيكون مميز برضه كزيت ماساج.
طريقة الإستخدام
استخدام الزيت هيكون حسب الاحتياج.
لو إنتي محتاجة تستخدمي الزيت للجفاف و لترطيب جلدك مش أكثر من كده ف مرة واحدة كل يوم هتكون كفاية جدا بعد الاستحمام
أما لو إنتي محتاجة تستخدميه على مناطق معينة كمعالج سواء مثلا كمعالج للترهلات فتستخدميه طبعا مرتين كل يوم على المناطق دي وتعملي مساج بحركات دائرية كده من تحت لفوق وإنتي بتشد كده من تحت لفوق.
الحركة دي في حد ذاتها بتساعدك على شد الترهل ومع الزيت طبعا هتكون الفعالية أفضل بكثير.
أما لو هتستخدمي لعلامات تمدد الجلد فطبعا استخدميه من بدري من أول ما تظهر لك الخطوط في مرحلتها الأولانية خالص وهي لسة لونها محمر كده أو بنفسجي ابدأى استخدميه على الخطوط دي مرتين كل يوم لمدة لا تقل عن ثلاث شهور طبعا ممكن تستخدميه برضه للوقاية لو إنت متوقعة إن هيظهر عندك علامات تمدد الجلد مثلا مع السمنة أو مع الحمل أو مع الرياضة إ بدأي برضه على طول قبل حتى ما تظهر الخطوط خالص تستخدمي الزيت مرتين يوميا على المناطق إللي ممكن يظهر فيها علامات تمدد الجلد هيبقى برضه مفيد جدا جدا بإذن الله
الإستخدام أثناء الحمل والرضاعة
بالنسبة للحمل والرضاعه هو أمن صحيح ولكن الأفضل أن إحنا نتجنب استخدامه في أول ثلاث شهور من الحمل من باب الحذر والاحتياط فيفضل عدم استخدامه في أول ثلاث شهور من الحمل لكن بعد كده نقدر نستخدمه
طبعا أثناء الرضاعة نقدر نستخدمه مفيش أي مشكلة
تعليقات
إرسال تعليق
أخبرنا ما هو رأيك فى هذا الموضوع؟؟