الحالة دى لسه مكتشفنها امس واتحجزت فى مستشفى العزل لواحدها ، معنى كده إنها خالطت ناس وسلمت عليهم والناس أكيد هتتعامل مع ناس تانية، ده غير الحالات اللى لسه موجودة مش متشخصة والدايرة وارد تكبر ..
علشان كده لازم تاخد احتياطاتك فى التعامل مع غيرك، الرسول بيقول فى حديث: فِر من المجذوم فرارك من الأسد، جدري القرود بيتنقل من شخص لآخر عن طريق واحدة من الطرق دى:
١-التماس مباشر مع الطفح الجلدي، أو ما تسمي الجُلبات (scabs)، أو سوائل الجسم
٢-الإفرازات التنفسية في أثناء المخالطة المُطولة، وجهاً لوجه، أو في أثناء التماس الجسدي الحميم، كما هي الحال في التقبيل، أو الحضن، أو ممارسة الجنس
٣-لمس الأشياء (مثل الملابس أو الملايات) التي لامست الطفح المُعدي أو سوائل الجسم سابقًا
٤-المشيمة، من المرأة الحوامل إلى الجنين.
٥-من الحيوانات (القرود) للإنسان
أشهر علامة تعرف بيها أو تشك إن الشخص مصاب بجدري القرود هي الطفح الجلدي زي اللى موجود فى الصورة ومعاه علامات تانية زي الحمى، والقشعريرة، والصداع، والآلام العضلية، والألم الظهري، والإرهاق الشديد، والتضخم الواضح للعقد اللمفية.
فترة حضانة المرض من أسبوع لأسبوعين ، أول ٥ أيام بيكون فيه حمى وصداع وتضخّم العقد اللمفاوية والشعور بآلام في الظهر وفي العضلات ووهن شديد، بعد 3 أيام من الأعراض دى بيبدأ ظهور الطفح الجلدي وبيتركز غالباً على الوجه والأطراف، بيقعد أسبوعين ويروح
إزاي تحمي نفسك؟
إنك متخالطش أي شخص شاكك إنه مصاب وتلتزم بالإجراءات الاحترازية فى التعامل مع أي شخص غريب وبالنظافة الشخصية ، ولو حد عنده أعراض من اللى ذكرناها لازم يعزل نفسه أو يروح مستشفى حميات ويبلغ بحالته علشان يتم التعامل معاه بشكل سريع .
تعليقات
إرسال تعليق
أخبرنا ما هو رأيك فى هذا الموضوع؟؟