كتير بنسمع عن ضربة الشمس..لكن هل نعرف يعني ايه واسبابها ايه وعلاجها ازاي؟!!
بمناسبة الحر اللي بنعيشه اليومين دول والايام القادمة خاصة في الصيام هنتكلم عن ضربة الشمس
بص يا سيدي
ضربة الشمس Sun stroke هي نوع من حالة أعم اسمها heat stroke
والمقصود بها هو ارتفاع درجة حرارة الجسم الداخلية الى ما يزيد عن 40,6 نتيجة لظروف مرتبطة بارتفاع درجة حرارة الجو المحيط (ايا كان السبب) وطبعا من أهم الاسباب هو التواجد في الشمس لفترات طويلة
طيب ايه سبب هذا الارتفاع الشديد في درجة الحرارة؟
------------------------------------------------------------
السبب هنا بيرجع لفقدان الجسم قدرته على ضبط درجة حرارته..!!
من أهم الحاجات المسئولة عن ضبط درجة حرارة الجسم هو العرق
اذن لو الانسان فقد قدرته على العرق ..فسيظل ارتفاع درجة الحرارة مستمر الى أن يصل الى 40,6 وقد يتعداها
وارتفاع درجة الحرارة هيبدأ يأثر على المخ وممكن يأدي لBrain damage ومزيد من التطورات اللي قد تؤدي لافساد أعضاء تانية في الجسم ..وقد يصل الأمر الى الوفاة
(ارتفاع درجة حرارة الجسم هنا يختلف عن الfever اللي بيكون سببها physiological زي حالات الاصابة بالبكتيريا )
طب ازاي ممكن يفقد قدرته على التعرق؟
-----------------------------------------------
في حالتين:
1- اما مش عارف يعرق اصلا : زي حالة ما يكون الجو شديد الرطوبة مع الحرارة فرطوبة الجو تقلل التعرق..
أو يكون لابس ملابس ضيقة تمنع تبخر العرق
2- ان اصلا الفرد عنده جفاف..
أي كمية الماء في الجسم غير كافية للتعرق
(خد بالك العطش مش من علامات الجفاف المهمة لكن أهم علامة هو أن يكون لون البول داكن عن الطبيعي)
الكحول والكافيين الكتير بيخلوا الجسم يفقد سوائل بكمية كبيرة علشان كده لازم ناخد بالنا
من أهم أعراض ضربة الشمس
----------------------------------
1- اضطرابات ذهنية للمصاب
2- سرعة ضربات القلب
3- سرعة في التنفس Hyperventillation
4- شد عضلي
5- احمرار وجفاف الجلد
العلاج
------
طبعا ضربة الشمس تعتبر حالة طواريء ويجب نقل الحالة للمستشفى في اسرع وقت..وعموما أهم الاجراءات التي يجب اتخاذها
1- ادخال المصاب لغرفة باردة (مكيفة مثلا)
2- نخلع من عليه كامل ملابسه
3- عمل كمادات على مختلف اماكن الجسم
4- ممكن نغطس المصاب في بانيو مليء بالماء البارد وليس الساقع
5- لو المريض فايق بنغطس راسه تحت المية.... لو مغمى عليه يبقى نحافظ على راسه برة المية
للوقاية من ضربات الجسم
--------------------------
1- التزام المنزل في حالات ارتفاع درجات الحرارة
2- استخدام ملابس فاتحة واسعة وارتداء كاب للوقاية من الشمس
3- شرب سوائل كثيرة لتعويض العرق المفقود وتجنب الجفاف
4- مفيش مانع لو شربنا عصائر او سوائل يبقى فيها أملاح تعوض الاملاح اللي بيفقدها الجسم
5- لو بنمارس تمارين في وقت حار يبقى لازم نشرب كمية ماء لا تقل عن 750 مل قبل التمرين او الرياضة بساعتين
وأثناء التمرين كل 25 دقيقة نشرب ما لا يقل عن 225 مل ماء حتى لو محسيناش بالعطش
أتمنى تكون دي احاطة سريعة ومفيدة عن ضربة الشمس وكيفية تجنبها وعلاجها ان حدثت
معلومات قيمه
ردحذف