أرخص وأفضل شامبو للشعر المعالج بالبروتين والكيراتين

 

عملتي في نفسك الكارثة بتاعت البروتين والكراتين و فرد الشعر؟ شعرك بطبيعته أصلا جاف وخشن و بيتقصف بسهولة وفيها يا شان وصعوبة في التصفيف لو إنتي من الحالات دي ف الشامبو إللي هنتكلم عنه النهاردة هو أرخص وأفضل شمبو ممكن تستخدميه.

الشامبو إللي هنتكلم عنه النهاردة بإذن الله إسمه شامبو ليه كاريتيه les karites وده المفروض إنه هو من شركة فرنسية ولكن هو بيتصنع في مصر يعني في شركة مصرية واخده الترخيص من الشركة الفرنسية الأم و بتصنعه في مصر الشامبو ده مكتوب عليه ادعاءات كثيرة، أول حاجة مكتوب إنه هو شامبو بيجعل الشعر سهل التصفيف ولا مع وذلك لاحتواء علي زبدة الشيا التي تغذى وتحمي شعرك. دي أول حاجة

كمان مكتوب عليه إن هو 0% أو خالي يعني تماما من الصوديوم سلفيت ومن السليكون ومن البرابين ف زي ما إحنا متعودين هنشوف تركيبة الشامبو التفصيلية ونفصصها مع بعض عشان نعرف حقيقة الكلام ده هشوف التركيبة من خلال عبوة الشامبو ذات نفسها  والحقيقة التركيبة هنا من أعجب التركيبات إللي أنا شفتها.

 تركيبة غريبة جدا جدا جدا وهنعرف مع بعض ليه تعالو نشوف كده التركيبة أول حاجة طبعا هي المية طبيعي وعادي لكن المادة إللي بعد المية يا جماعة حاجة اسمها جار يهدروكسى بروبيل ترايمونيوم كلورايد Guar Hydroxypropyltrimonium cloride  الاسم الطويل ده يا جماعة هي مادة البلسم

حاجة بنسميها cationic surfactant أو conditioning agent ودى المادة إللي المفروض تكون موجودة في البلسم وإللي بيتكون منها البلسم بشكل أساسي ودي حاجة غريبة جدا.

ليه حاجة غريبة لان الشامبو المفروض ان أكثر نسبة من المواد إللي تكون موجودة فيه هي المواد المنظفة  إللي إحنا بنسميها surfactant وخاصة ال anionic surfactant معلش هو كلام علمي شوية ولكن إللي هي الحاجات إللي زي ال sulfates

الحاجات دى هى المفروض بتشكل أغلب التكوين واغلب التركيبة بتاعت الشامبو لكن ده غريب جدا دا مادة البلسم هي أعلى المواد تركيزا في الشامبو دا . الشامبو ده كأنه بلسم عليه شامبو يعني المفروض إن العكس المفروض إن الشامبو 2 * 1 أو الشامبو إللي بيبقى معاه بلسم هو بيبقى في الأساس شامبو في مواد التنظيف إللي بتنضف الشعر وبتغسل الشعر ده بيكون أساس التركيبة بتاعته بيكون من ما بين عشرة ل ثلاثون في المئة من التركيبة عبارة عن مواد التنظيف دي إللي بتعمل رغوة والكلام ده هو إللي بتنظف الشعر وبيكون في نسبة بسيطة نسبة بسيطة من مادة البلسم نسبة بسيطة ده الطبيعي في كل الشامبوهات إللي أنا شفتها في حياتي يعني الشامبو ده بقى العكس الشامبو ده المادة إللي فيها التركيز الأعلى وإللي بتشكل النسبة الأعظم من هذه التركيبة هي عبارة عن البلسم

ولذلك هتتفاجوا إن الملمس بتاع الشامبو ده عامل زي المايونيز كده ثقيل وعامل زي المايونيز ليه؟ عشان مادة البلسم هنا تركيزها عالي جدا فا دي أول حاجة في التركيبة و هنلاحظ كمان من الحاجات الملاحظة جدا في التركيبة دي إن المواد إللي أنا بقول لحضراتكم عليها إللي هي المفروض بتكون النسبة الكبيرة من الشامبو إللي هي مواد التنظيف إللي هي surfactant

الحقيقة هنا من ألطف ألطف ألطف الانواع إللي هي بتستخدم في شامبوهات الاطفال ياجماعه يعني هنا مستخدمين المواد المنظفة الحقيقة لطيفة جدا. حاجة اسمها cocamidopropyl betaine وكمان حاجة اسمها sodium olfin sulfonate

يعني في مجموعة كده من المواد المنظفة الحقيقة من ألطف ما يكون 

الحقيقة إن المنظفات إللي هنا زي ما بقول لحضراتكم كده إللي إحنا بنستخدمها في شامبوهات الأطفال وزيادة على كده إن نسبة البلسم هنا عالية جدا فده شامبو غريب جدا من نوعه ويعني أضمن 1,000,000% إن هو فعلا هيكون ألطف حاجة ممكنة ألطف من شامبو الأطفال، تخيلوا التركيبة دي ألطف من شامبو الأطفال

فمفيش فعلا خالص مفيش sulfate خالص مفيش أي حاجة يعني ممكن أن هي تسبب جفاف ولا كلام من ده وطبعا برضه موجود زبدة الشيا  موجودة بس زبدة الشيا الحقيقة جاية في الآخر يعني تركيزها قليل وتركيزها مش عالي هو أنا متفهم إن هما حاطين زبدة الشيا عشان هما مش هيعرفو يقولو للناس فكرة  conditioning agent ومادة البلسم مش هيعرفو يكتبو الكلام ده على العبوة ومش هيعرفو  يعملو دعاية للشامبو من خلال الكلام دا بس يعرفوا يعملوا الدعاية من خلال زبدة الشيا فعشان كده هما ضايفين زبده الشياء نسبتها بسيطة خالص مش هي إللي عاملة فرق يعني برغم إن هي دي إللي مكتوبة على العبوة أو حاطين صورتها  بالشكل العريض على العبوة عشان يوهمك يعني إن هى دى المادة الأساسية في الشامبو بس في الحقيقة مش خالص المادة الأساسية في الشامبو هي زبدة الشيا  جاية بتركيز قليل خالص. زبدة الشيا بس هي محطوطة عشان فكرة الدعاية ولكن مع ذلك الشامبو ده يا جماعة من ألطف ما يكون  برضه الحقيقة مفيش كحوليات ضارة خالص حتى العطر إللي موجود جاي في آخر التركيبة خالص، يعني برضه تركيز العطر منخفض جدا 

فالتركيبة جامدة قوي. بس هيبقى فيها عيب

هيبقى فيه عيب مهم التركيبه دى على قد ما هي لطيفه للغاية يعني فعلا لطيفة جدا جدا جدا وهتكون حلوة جدا للشعر الجاف والشعر المقصف أو اللى فيه هيشان أو يعني في تلف هتبقى لطيفة جدا و شامبو لطيف مفيش ألطف من كده هيبقى لطيف جدا إن الناس زي ما قلت في المقدمة إللي ممكن تبقى عملت في نفسها المصيبة بتاعت البروتين والكراتين وأنا دايما بقول إن البروتين والكراتين وموضوع الفرد ده مصيبة.

ناس تختلف معايا ناس تعترض أنا دي رؤيتى الفرد بكل أنواعه بكل أشكاله مصيبة وبحذر منها وفي ناس لحد دلوقتي مبتسمعش الكلام المهم فلو كنتي عملتي في نفسك المصيبة بتاعت الفرد دي والبروتين والكيراتين والكلام الفاضي ده فا يعني ده الشامبو إليه تقدري تستخدميه ولكن العيب بقى مع كل المزايا إللي إحنا قولناها دي إلا عيب إن هو مش هينضف كويس

ده طبعا العيب والعيب الواضح لان طبعا تركيز المواد المنظفة هنا مهواش عالي ومستخدمين المنظفات زي ما قولت لحضراتكم كده إللي هي بتاعت الاطفال الحاجات اللطيفة جدا ف التنظيف مش هيكون عالي فبرضه فكرة ان أنا أعتمد على الشامبو ده كل يوم ما استخدمش غيره أو يعني وقت ما بستخدم الشامبو لو أنا بستخدم الشامبو مثلا مرتين ثلاث مرات في الأسبوع ما بستخدمش غير الشامبو دا دي برضه فكرة مش صح لازم كده مرة في الاسبوع ولا حاجة ولا حتى مرة كل أسبوعين استخدم شامبو من الشامبوهات العادية إللي فيها تنظيف قوي.

عشان أقدر أنضف فروة راسي من الافرازات الدهنيه من الشوائب من العرق. من الحاجات إللي ممكن تبقى الأتربة. الحاجات إللي ممكن تتراكم في فروة الراس وتعملي مشكلة فالشامبو ده على قد ما هو لطيف جدا بس برضه في نفس الوقت قوته في التنظيف هتبقى مش عالية 

هل الشامبو ده أقدر أقول عليه إنه هوهيرطب ماقدرش أقول كده يعني مقدرش أقول ان هو هيغنيك مثلا عن استخدام ماسك أو هيغنيك عن استخدام كريم وزيت لأ الشامبو مهما كان يا جماعة أصل الشامبو بيقعد على الشعر قد ايه دقيقتين ثلاث دقائق وبعد كده بيتشطف بالمية

فمقدرش أقول إن هو هيغنيكى مثلا عن إنك تستخدمي حاجة ترطب شعرك ولكن هو مش هيسبب جفاف يعني ده يستحيل إنه يسبب جفاف إذا التركيبة دي صادقة وأنا أتوقع أن هي صادقة لأن هي مكتوبة بالتفاصيل كلها وطبعا هما واخدين ترخيص أصلا من شركة فرنسية فصعب إنهم يلعبو في الكلام، فإذا التركيبة دي فعلا صادقة زي ما هما كاتبينها كده ف الشامبو ده يستحيل يسبب جفاف.

وفي نفس الوقت، ويمكن احلى ميزة فيه إن هو سعره اقتصادى جدا يعني سعره ما بين 60 ل70 جنيه وحجمه يا سيدي  400 مل يعني يعتبر شامبو من الحجم الكبير ف شامبو 400 مل والمزايا دي ولطيف جدا بالشكل ده و ب60. 70 جنيه لا بصراحة تحفة أنا من ساعة ما شوفت التركيبة كده عجبتني جدا جدا وقلت لازم أقول لكم عليها 

و في نقطة مهمة يا جماعة أنا بتكلم بس على الشامبو عشان المنتج ده أو الشركة دي عندها شعر برضه شفته وشوفت التركيبة بتاعته لأ الكريم الشعر بتاع الشركة دى مش حلو خالص الكريم بتاع نفس الماركة دي مش حلو خالص الكريم إللي من الماركة دي الحقيقة عبارة عن فازلين يعني تركيبته عبارة عن فازلين هو كأنه جيبتي فازلين كدهوه تدهني على راسك