أقوى ثلاث منتجات لتفتيح وتبيض المناطق الحساسة

 النهاردة إن شاء الله رب العالمين هنتكلم عن مشكلة من المشكلات إللي نسبة كبيرة جدا من البنات والنساء بتعانى منها 

وهي مشكلة اسمرار المناطق الحساسة وهنتكلم عن أفضل منتجات لتفتيح المناطق الحساسة لحد انهارده 

سوسكن واينيننج بودى لوشن  Soskin Whitening body lotion and sensitive area

 أول منتج هتكلم عنه النهارده وهو منتج سوسكن واينيننج بودى لوشن  Soskin Whitening body lotion and sensitive area

والحقيقة المنتج ده يعتبر من المنتجات القديمة ولحد دلوقتى بشوف إنه ما زال واحد من أفضل مستحضرات تفتيح الجسم والمناطق الحساسة عشان تركيبته بصراحة حلوة جدا تركيبته بتعتمد على مادتين فعالتين رئيسيتين.

المواد الفعالة فى تركيبة سوسكن واينيننج بودى لوشن

 المادة الأولى مادة ألفا أربيوتين Alpha Arbutin وطبعا دي مادة معروفة جدا ومشهورة جدا بفعاليتها وقدرتها على تثبيط  تكوين وتخليق صبغة الميلانين إللي هي السبب الرئيسي في التصبغات والاسمرار 

المادة التانية هى هيكسايل ريزورسينول Hexyl Resorcinol برضه نفس الشيء مادة قوية جدا في تثبيط تكوين صبغة الميلانين. وفيه أبحاث كتير بتقول إن فاعليتها تماثل أربع أضعاف فاعلية مادة الهيدروكينون Hydroquinone بدون ما يكون ليها الاثار الجانبيه بتاعت مادة الهيدروكينون. 

فا الإتنين دول مع بعض ألفا أربيوتين وهيكسايل ريزورسينول فى الحقيقه يعني أقوية جدا في تثبيط تكوين صبغة الميلانين. ويعتبروا مع بعض كده مركب قوي جدا كمركب تفتيح فعشان كده الخصائص الأساسية للوشن ده إن هو المواد التفتيح إللي فيه قوية 

ولكن للأسف هو فيه عيب إن التركيبة دي ما فيهاش تأشير مفيش هنا أحماض فواكه مفيش هنا أي حاجة مقشرة وده يعتبر عيب من ناحية لإنه لو تصبغات قديمة مش هيكون اللوشن ده فعال فيها قوي لأن في التصبغات القديمة إحنا بنبقى محتاجين إنه يبقى فيه تقشير 

لكن عدم وجود مواد مقشرة يعتبر ميزة من ناحية تانية عشان مش هيبقي فيه احمرار مفيش إلتهاب مفيش تحسس مفيش أي مشكلة خالص على المناطق الحساسة فهي من ناحية عيب لإن التصبغات القديمة إللي بقالها سنين وفترات طويلة بتبقى محتاجة التقشير وإحنا هنا ما عندناش تقشير ومن ناحية تانية ميزة إن مش هيحصل أي مشاكل في المناطق الحساسة والحقيقة هو مجرب لسنوات طويلة ولسنوات طويلة كان ده بالنسبة لي هو رقم واحد وكنت دايما بنصح بيه في تفتيح المناطق الحساسة والحقيقة إن ما شاء الله كان جايب معايا نتائج حلوة جدا جدا ولذلك لحد النهاردة أنا مازلت بنصح بيه و أرشحه كواحد من أفضل مستحضرات تفتيح المناطق الحساسة، 

إيزيس فارما نيوتون بودى لوشن Isispharma Neotone Body lotion

ولكن في السنوات الأخيرة ظهر لنا بها منتجات كتيرة زي المنتج التاني إللي هنتكلم عنه النهاردة إللي هو ال إيزيس فارما نيوتون بودى لوشن Isispharma Neotone Body lotion ده بقى على العكس تماما من السوسكن ده إعتماده في لتفتيح على التقشير

 

المواد الفعالة فى تركيبة إيزيس فارما نيوتون بودى لوشن

هنا المادة الأساسية إللي موجودة عندنا في التركيبة هي مادة حمض الجلايكوليك Glycolic Acid اللي هو أهم و أفعل وأقوى أحماض الفواكه ده أقوى نوع من أنواع أحماض الفواكه وفي نفس الوقت موجود بتركيز عالي كمان يعني هو تركيزه هنا يتراوح ما بين سبعة ل10% طبعا التركيز مش مكتوب ولكن هو المكتوب في أعلى وفي أول ترتيب المواد الفعالة إللي موجودة في تركيبه لوشن إيزيس فارما نيوتون فعشان كده أنا بخمن وبأعتقد إنه هو تركيزه هيكون ما بين سبعة ل10% في نفس الوقت بالإضافة إلى التقشير إحنا عندنا مواد تفتيح صحيح ما هياش بنفس قوة ألفا أربيوتين ولا هيكسايل ريزورسينول ولكن مفعولها يعتبر معقول عندنا خلاصة ألعرقسوس Licorice extract ومادة داى أسيتيل بولداين Diacetyl Boldine الإتنين دول مفعولهم في التفتيح يعني يعتبر جيد مانقدرش طبعا نقول إن هو ممتاز مانقدرش نقول إن هو هيوصل لدرجة فاعلية ألفا أربيوتين و هيكسايل ريزورسينول كمواد تفتيح ولكن مفعولهم يعتبر جيد، فالاعتماد هنا بشكل أساسي على التقشير ف الخصائص الأساسية في اللوشن ده التقشير رقم واحد رقم إتنين إن مواد التفتيح إللي فيه تعتبر جيدة فهي تركيبة إلى حد ما متكاملة. 

بيوديرما بيجمنت بايو سنسيتيف أريا Bioderma Pigmentbio Sensitive Area

المنتج التالت بقى إللي هو يعتبر أحدثهم وهو من شركة بيوديرما Bioderma  وهو

 بيوديرما بيجمنت بايو سنسيتيف أريا Bioderma Pigmentbio Sensitive Area

في الحقيقة شركة بيوديرما  وهي بتعمل المنتج ده، الجماعة هناك حاطين في دماغهم موضوع الالتهاب حاطين في دماغهم إن إحنا بنعمل منتج لتفتيح المناطق الحساسة فحاطين في دماغهم إن السبب الرئيسي في التصبغات والاسمرار في المناطق الحساسة هو الالتهاب سواء الالتهاب ده مثلا حاصل نتيجة إحتكاك  أو حاصل نتيجة العدوى الفطرية المتكررة إللي بتحصل في المناطق دي أوحاصل نتيجة الملابس أوحاصل مثلا نتيجة إزالة الشعر في جلسات الليزر والتقشير وما إلى ذلك فهما عاملين المنتج ده وحاطين في دماغهم قصة الالتهاب .

المواد الفعالة فى تركيبة بيوديرما بيجمنت بايو سنسيتيف أريا

التركيبة بتعتمد بشكل أساسي في التفتيح على مادة حمض الأزيليك Azelaic Acid اللى هي نفس المادة إللي موجودة في كريم سكينورين Skinoren وهي مادة بتشتغل على تفتيح التصبغات والاسمرار اللى بيحصل نتيجة التهاب إللي إحنا بنسميها 

Post inflamatory Hyper Pigmentation

وحمض الأزيليك Azelaic Acid هي مادة مفيده جدا في التصبغات إللي بتحصل نتيجة الالتهابات ولكن  هي عشان فعلا تكون فعالة جدا في الموضوع ده محتاجة إن هي تكون بتركيز عالي في حدود 20% هنا في اللوشن ده بصراحة تركيزها ماظنش أبدا إنه هيتعدى ال5% ده إن ما كانش أقل لإنه في آخر ترتيب المواد الفعالة إللي موجودة في اللوشن فدي برضو مشكلة إن التركيز بتاعهم حمض الأزيليك مش موجود بتركيز عالي ولا تركيز كافي عندنا برضه. 

عندنا برضة فى التركيبة  خلاصة العرقسوس Licorice extract طبعا زي ما اتفقنا هي مادة مثبطة لتكوين صبغة الميلانين وبالتالي بتساعد على التفتيح وفي نفس الوقت برضه هي ليها خصائص  كمادة ملطفة ومضادة للإلتهاب، فعشان كده برضة هتكون مفيدة في حالات التصبغات إللي بتحصل نتيجة الالتهابات، وعندنا كمان مادة اسمها لاميناريا Laminaria Extract أو خلاصة عشب من أعشاب البحر ودي برضو مادة مضادة للإلتهاب

 وعندنا تقشير بسيط بحمض الساليسيلك Salicylic Acid  اللى موجود هنا بتركيز مأظنش أبدا إن هو يتعدى النص إلى 1% بالكتير  ففيه تقشير صحيح ولكنه تقشير بسيط ف اللوشن ده معمول مخصوص عشان الالتهاب عشان التصبغات و الإسمرار إللي بتحصل نتيجة التهاب أو تحسس أو إحمرار في الجلد في المناطق الحساسة ف الخصائص الأساسية إنه تفتيح للاسمرار الناتج عن التهاب المواد التفتيح إللي فيه متوسطة و التقشير إللي فيه تقشير بسيط

والميزة الحلوة اللى فيه كمان إن هو خالي من العطر على عكس سوسكن و إيزيس فارما نيوتون فيهم عطر بسيط لكن هنا إحنا ما عندناش عطر خالص فده بيؤكد على الفكر إللي اتعمل بيه اللوشن ده على إنه يكون مناسب للجلد الحساس جدا ويكون مناسب لحالات الالتهاب و التصبغات إللي بتحصل نتيجة عن الالتهاب. 

مقارنة بين الثلات منتجات

لو جينا كده نعمل مقارنة ما بين الثلاث منتجات فمين أفضلهم في التفتيح وأقواهم في التفتيح طبعا سوسكن لأن فيه ألفا أربيوتين وهيكسايل ريزورسينول دول يا جماعة مركب قوي جدا كمواد مفتحة ومثبطة لتكوين صبغة الميلانين في أقواهم في مواد التفتيح طبعا بلا منازع هو سوسكن واينيننج بودى لوشن  Soskin Whitening body lotion and sensitive area

بالنسبة لأقواهم في التقشير فأكيد  إيزيس فارما نيوتون بودى لوشن Isispharma Neotone Body lotion هو أقواهم في التقشير لانه بيحتوي على حمض الجلايكوليك Glycolic Acid القوى فى التقشير والتركيز عالي كمان فأكيد هو أقوى واحد فيهم في التقشير . 

بالنسبة للجلد الحساس وأنسب واحد طبعا أكيد بيوديرما بيجمنت بايو سنسيتيف أريا Bioderma Pigmentbio Sensitive Area

 لأن مافيهوش عطر والمواد إللي فيه مواد مناسبة لحالات الالتهاب وكلها من مضادات التهاب فهو أنسابهم للجلد الحساس جدا.

الخلاصة وايه هو المناسب ليكى

 يبقى  أفضل استخدام لسوسكن واينيننج بودى لوشن  هي  في حالات التصبغات القوية الحديثة. لو التصبغات إللي عندك تصبغات قوية وفي نفس الوقت جديدة مش قديمة قوي يبقى هو أفضل مستحضر ممكن. 

أما لو التصبغات إللي عندك قديمة و بقالها سنين طويلة فهنحتاج تقشير وأفضلهم في التقشير هوإيزيس فارما نيوتون بودى لوشن

أما لو الجلد عندك في المنطقة دي حساس جدا أو إنتي بتعملي مثلا جلسات ليزر أو بتعملي جلسات تقشير وحاجات زي كده و الجلد عندك حساس قوي ممكن إن هو يلتهب ويحصل فيه احمرار بسهولة وفي نفس الوقت حبة إنك تستخدمي لوشن للتفتيح يكون مناسب لي الجلسات الليزر والكلام ده كله فأفضل إختيار هيكون بيوديرما بيجمنت بايو سنسيتيف أريا

طبعا فدي كانت مقارنة ما بين أفضل تلات مستحضرات لتفتيح المناطق الحساسة  وتوضيح ليكي عشان تعرفي امتى تستخدمي ده وامتى تستخدمي ده وأمتى تستخدمي ده وتحددى المنتج المناسب ليكى اللى يلبى احتياجاتك