عندك نوعين شهيرين من الزيوت لعلاج الامساك
زيت الخروع وزيت البارافين
وعشان المفروض انك صيدلي متميز وفاهم..يبقى لازم تعرف الفرق بين الاتنين عشان متظنش انهم زي بعض وان واحد يقضي مكان التاني
بص يا سيدي
بالنسبة لزيت الخروع
------------------------
فده من نوعية الStimulant laxative
يعني اوعى ييجي في بالك انه بينزل كده وببساطة لأنه زيت فيلين البراز... لأ
اللي بيحصل ان زيت الخروع بيحصل له Digestion في الأمعاء الدقيقة فبينتج ricinoleic acid وده بيزود ال intestinal motility للأمعاء الدقيقة بالاساس
ومفعوله بيظهر في خلال من ساعة الى 3 ساعات
ومفعوله بيكون قوي علشان كده ممكن نعتبره purgative أو Strong Cathartic
النقطة الخطيرة اللي واجب نضيفها انه لا يجوز استخدامه في الحمل لأنه ممكن يسبب Premature delivery لانه بيزود انقباضات الرحم
(حتى أنه كلاسيكيا قد يستخدم لتسهيل عملية الولادة)
أما عن زيت البرافين
-----------------------
فده بنسميه Lubricant laxative
وبيشتغل على فكرة الاحاطة بال Stool وحبس الماء بداخله في القولون نفسه وليس في الأمعاء الدقيقة مما يزود من ليونة البراز
ومفعوله بيظهر في خلال 6-8 ساعات
وتعاطيه يحتاج لشوية احتياطات
-----------------------------------
1- يعطى على معدة فارغة وده علشان ميوصلش للرئة ويسبب مشاكل
2- مينفعش تاخده قبل النوم أو نرقد بعد تعاطيه لتجنب ذات المشكلة
3- لا يستخدم للأطفال اقل من 6 سنوات
4- لا يستخدم في حالات اشتباه في الزايدة أو البواسير لأنه ممكن يحدث تهيج لهما
5- لا يفضل مع الحوامل لأنه ممكن يتداخل مع امتصاص الفيتامينات اللي همة محتاجينها
(خد بالك زيت البرافين لا يفضل مع الحوامل..انما زيت الخروع ممنوع)
لقراءة جميع مواضيع الفرق بين فضلا إضغط هنا
شرج ممتاز
ردحذفموضوع رائع جدا مشكور جزيل الشكر
ردحذف